ఇటీవల నేపాల్‌ను అతలాకుతలం చేసిన వరదలు మళ్లీ బీభత్సం సృష్టించాయి. అక్కడ కురిసిన భారీ వర్షాల వల్ల ఒక్కసారిగా మెరుపు వరదలు విరుచుకుపడ్డాయి. ఈ హఠాత్ వరదల దెబ్బకు ఊళ్లకు ఊళ్లే నీట మునిగిపోయాయి. ఎటు చూసినా కూలిపోయిన ఇళ్లు, వరద నీరే కనిపిస్తుండటంతో ప్రజలు తీవ్ర భయాందోళనలో మునిగిపోయారు. గోర్ఖా జిల్లాలోని సల్లెరి బజార్ ఈ అకస్మాత్తు వరదలకు పూర్తిగా కొట్టుకునిపోయింది.

అక్కడున్న బుధిగండకి నది ఉధృతంగా పొంగిపొర్లుతోంది. ప్రవాహం తీవ్రతకు నది ఒడ్డున ఉన్న కొండచరియలు పెద్ద ఎత్తున విరిగిపడ్డాయి. ఆ నీరు, మట్టి ఒక్కసారిగా ఊరిపైకి రావడంతో పదుల సంఖ్యలో ఇళ్లు, షాపులు క్షణాల్లో కొట్టుకుపోయాయి. ఈ భయంకర ప్రళయంతో వేలాది మంది ఇళ్లు లేక వీధిన పడ్డారు. ప్రాణాలు దక్కించుకోవడానికి కట్టుబట్టలతో సురక్షిత ప్రాంతాలకు పరుగులు తీశారు. రోడ్లు, వంతెనలు కొట్టుకుపోవడంతో బయటి ప్రపంచంతో సంబంధాలు తెగిపోయాయి. సహాయక బృందాలు రంగంలోకి దిగి చర్యలు చేపట్టారు.

 

RELATED ARTICLESMORE FROM AUTHOR