Elon Musk
Elon Musk

భారత్‌లో ఉపగ్రహ ఆధారిత ఇంటర్నెట్ సేవలు అందించేందుకు సిద్ధమవుతున్న స్టార్‌లింక్ అధినేత ఎలాన్ మస్క్‌ ఉక్రెయిన్‌కు బిగ్ షాక్ ఇచ్చారు. ఉక్రెయిన్-రష్యా యుద్ధంలో కీలక పరిణామంగా మారిన స్టార్‌లింక్ ఇంటర్నెట్ నెట్‌వర్క్ హఠాత్తుగా నెమ్మదించడం వెనుక మస్క్ సొంత ఆదేశాలే ఉన్నాయని వెల్లడైంది. ఈ నిర్ణయం వల్ల యుద్ధ రంగంలో ఉక్రెయిన్ సైన్యం ఉపయోగించే డ్రోన్ కార్యకలాపాలకు తీవ్ర అంతరాయం ఏర్పడింది. అంతర్జాతీయంగా సంచలనం రేపిన ఈ ఘటనకు సంబంధించి ఇద్దరు సీనియర్ అమెరికా అధికారులు, సైనిక వర్గాలు కీలక ఆధారాలను బయటపెట్టాయి.

యుద్ధంలో ప్రత్యర్థి వ్యూహాలను తిప్పికొట్టేందుకు ఉక్రెయిన్ సైన్యం ప్రధానంగా స్టార్‌లింక్ ఉపగ్రహ వ్యవస్థపైనే ఆధారపడింది. అయితే ఉద్దేశపూర్వకంగానే నెట్‌వర్క్ వేగాన్ని తగ్గించాలంటూ ఎలాన్ మస్క్ స్వయంగా తన సిబ్బందికి ఆదేశాలు ఇచ్చారని సదరు కథనం స్పష్టం చేసింది. ఈ నిర్ణయం యుద్ధ భూమిలో ఉక్రెయిన్ సేనలకు పెద్ద ఎదురుదెబ్బగా మారడమే కాకుండా ఉక్రెయిన్ ప్రభుత్వంలో తీవ్ర ఆందోళనను రేకెత్తించింది. అంతేకాకుండా మస్క్ తీసుకున్న ఈ ఏకపక్ష నిర్ణయం అమెరికా రక్షణ, దౌత్య యంత్రాంగాన్ని కూడా తీవ్ర అయోమయానికి గురిచేసిందని అంతర్జాతీయ మీడియా ప్రతినిధులు పేర్కొంటున్నారు.

ఇటీవల రష్యాతో అమెరికా అధ్యక్షుడు డొనాల్డ్ ట్రంప్ డీజిల్ ఒప్పందం కుదుర్చుకున్న సమయంలోనే సరిగ్గా యుద్ధ రంగంలో ఉక్రెయిన్ డ్రోన్లు తమ వేగాన్ని, సీరియస్ నెట్‌వర్క్ కనెక్టివిటీని కోల్పోయింది. అమెరికా ప్రభుత్వం నుంచి సాయం మద్దతు తగ్గుతున్న నేపథ్యంలోనే రష్యాతో యుద్ధంలో ఉక్రెయిన్ వినియోగిస్తున్న స్టార్‌లింక్ కమ్యూనికేషన్ పరికరాలపై మస్క్ కఠినమైన నియంత్రణలు విధించారనే వార్తలు పెద్ద ఎత్తున ప్రచారంలోకి వచ్చాయి. అయితే ఆ సమయంలో ఈ వార్తలను మస్క్ ఖండించారు. సైనిక అవసరాల కోసం వినియోగించే స్టార్‌షీల్డ్ వ్యవస్థ పూర్తిగా అమెరికా ప్రభుత్వ నియంత్రణలోనే ఉంటుందని, తాను సొంతంగా ఎలాంటి నిర్ణయాలు తీసుకోలేదని ఆయన వివరణ ఇచ్చే ప్రయత్నం చేశారు.

మరోవైపు ఉక్రెయిన్‌లో స్టార్‌లింక్ సేవల కోత లేదా నెట్‌వర్క్ నెమ్మదించడం వంటి అంశాలతో తమ ప్రభుత్వానికి ఎలాంటి సంబంధం లేదని అమెరికా ఉన్నతాధికారులు స్పష్టం చేశారు. యూఎస్ రక్షణ మంత్రి పీట్ హెగ్సెత్, విదేశాంగ మంత్రి మార్కో రూబియో ఈ వ్యవహారంపై స్పందిస్తూ సాంకేతిక సేవల వేగం తగ్గించాలని మేం ఎలాంటి ఆదేశాలు ఇవ్వలేదు. రష్యాతో పోరులో ఉక్రెయిన్ విజయం సాధించాలని మాత్రమే మేం బలంగా కోరుకుంటున్నాం అని పత్రికా ప్రకటన విడుదల చేశారు. అమెరికా ప్రభుత్వం వైపు నుంచి ఎలాంటి ఒత్తిడి లేకపోయినప్పటికీ మస్క్ స్వయంగా కనెక్షన్ వేగాన్ని తగ్గించడం వెనుక ఉన్న అసలు కారణాలపై ఇప్పుడు ప్రపంచవ్యాప్తంగా తీవ్ర చర్చ నడుస్తోంది.