Nepal Floods : నేపాల్‌లో భారీ వరదలు తీవ్ర నష్టాన్ని కలిగించాయి. వరదల తర్వాత పెద్ద ఎత్తున గాలింపు, సహాయక చర్యలు కొనసాగుతున్నాయి. ఇప్పటివరకు 626 మృతదేహాలను వెలికితీశారు. మరో సుమారు 2,400 మంది కనిపించకుండా పోయారు. ఇప్పటివరకు 4,450 మందికి పైగా రక్షించారు. వీరిలో 187 మందికి పైగా విదేశీయులు ఉన్నారు.
భోటే కోషి నదిలో ఒక్కసారిగా వచ్చిన వరదలతో పలు ప్రాంతాలు తీవ్రంగా దెబ్బతిన్నాయి. రసువా, నువాకోట్, ధాదింగ్, చిత్వాన్ జిల్లాల్లో గాలింపు, సహాయక చర్యలు, అత్యవసర వైద్య సేవలు కొనసాగుతున్నాయి. గల్లంతైన వారి కోసం అధికారులు ఇంకా వెతుకుతున్నారు. వరదల వల్ల ఇబ్బందులు పడుతున్న ప్రజలకు అవసరమైన సహాయం అందిస్తున్నారు.
Also Read : వరదల్లో కొట్టుకుపోయిన బ్యాంక్ ఇనుప పెట్టె.. దొరికిన వెంటనే డబ్బు దోచేశారు!
రక్షణ, సహాయక చర్యలను మరింత వేగంగా చేపట్టేందుకు నేపాల్ ఇతర దేశాల సాయం కోరింది. ముఖ్యంగా సొరంగాల్లో చిక్కుకున్న వారిని రక్షించేందుకు ప్రత్యేక బృందాల సహాయం తీసుకుంటోంది.
భారత్ నుంచి 11 మంది సభ్యులతో కూడిన సాంకేతిక బృందాన్ని నేపాల్‌కు పంపించారు. ఈ బృందం సొరంగాల్లో రక్షణ చర్యల్లో పాల్గొంటుంది. మరో ప్రత్యేక సొరంగ రక్షణ బృందం చైనా నుంచి కూడా రానుంది.
భారత్ ఇప్పటికే నేపాల్‌కు 57 టన్నులకు పైగా సహాయక సామగ్రిని పంపించింది. చైనా, జపాన్, ఆస్ట్రేలియా సహా ఇతర దేశాల నుంచి కూడా అవసరమైన వస్తువులు నేపాల్‌కు చేరుతున్నాయి.
భారీ స్థాయిలో జరిగిన ఈ నష్టాన్ని ఎదుర్కొనేందుకు ప్రస్తుతం అందుతున్న సాయం ఉపయోగపడుతుందని నేపాల్ ప్రభుత్వం తెలిపింది.
Also Read : ఉక్రెయిన్‌ పై విరుచుకుపడ్డ రష్యా.. డ్రోన్ల దాడితో విధ్వంసం
