jio offers
jio offers

దీపావళి పండుగ సందర్భంగా రిలయన్స్ జియో తమ కస్టమర్లకు అదిరిపోయే ఆఫర్‌ను అందుబాటులోకి తీసుకొచ్చింది. జియోహోమ్ (జియోఫైబర్, జియోఎయిర్‌ఫైబర్) యూజర్ల కోసం ఆకర్షణీయమైన ప్లాన్‌ను ప్రకటించింది. ‘జియోహోమ్ ఫ్రీడమ్ ఆఫర్’ పేరుతో తీసుకొచ్చిన ఈ ప్లాన్‌లో వినియోగదారులకు అదనపు వ్యాలిడిటీ లభిస్తుంది.

ఈ ఆఫర్ ప్రకారం.. అర్హులైన కస్టమర్లు 10 నెలల సర్వీస్ కోసం ప్లాన్ వేసుకుంటే.. అదనంగా మరో 5 నెలల వ్యాలిడిటీ పూర్తిగా ఉచితంగా లభిస్తుంది. ఇలా మొత్తం 15 నెలల పాటు ఇంటర్నెట్, ఎంటర్‌టైన్‌మెంట్ సేవలు పొందవచ్చు.

ఇక దీనికోసం నెలవారీ ప్లాన్ ధర విషయానికొస్తే.. నెలకు రూ.666 చొప్పున 10 నెలలకు సుమారు రూ.6,660 అవుతుంది. ఈ ప్లాన్‌లో 15 నెలల వ్యాలిడిటీ రావడం వల్ల అదనపు 5 నెలలకు విడిగా ఎలాంటి రుసుము చెల్లించాల్సిన అవసరం లేదు.

ఆఫర్ ఎలా పొందాలి

ఈ ఆఫర్‌ను పొందాలంటే కస్టమర్లు ముందుగా.. తమ జియోహోమ్ కనెక్షన్‌తో లింక్ అయిన రిజిస్టర్డ్ మొబైల్ నంబర్ నుండి 8219582195 కు మిస్డ్ కాల్ ఇవ్వాల్సి ఉంటుంది. ఆ తర్వాత వచ్చిన మెసేజ్ సూచనల ఆధారంగా ఆఫర్ యాక్టివేట్ అవుతుంది. ఈ ఆఫర్ పాత యూజర్లకు మాత్రమే కాకుండా.. కొత్తగా జియోహోమ్ కనెక్షన్ తీసుకోవాలనుకునే వారి కోసం కూడా కంపెనీ స్పెషల్ ప్లాన్ అందిస్తోంది.

దీనికోసం రెండు నెలల ప్లాన్ ధర రూ.2,122గా ఉంది. ఈ ఆఫర్‌తో ప్లాన్ వేసుకుంటే.. అదనంగా 1 నెల ఫ్రీ వ్యాలిడిటీ వస్తుంది. అంటే 2 నెలల ధరకు మొత్తం 3 నెలల సేవలు పొందే అవకాశం ఉంటుంది. ఈ ప్లాన్‌లో 100Mbps వరకు స్పీడ్‌తో అన్‌లిమిటెడ్ ఇంటర్నెట్ లభిస్తుంది. అలాగే MyJio యాప్ లేదా జియో వెబ్‌సైట్ ద్వారా దీనిని ‘Claim Now’ ఆప్షన్ ద్వారా పొందవచ్చు.

ఓటీటీ ప్రయోజనాలు

ఈ jio home సేవలు కేవలం ఇంటర్నెట్‌కే పరిమితం కాకుండా.. ఎంటర్‌టైన్‌మెంట్‌ను కూడా అందిస్తుంది. ఏకంగా 15 భాషలలో 1,000కు పైగా డిజిటల్ లైవ్ టీవీ ఛానెళ్లను చూడొచ్చు. ఎంచుకున్న ప్లాన్‌ బట్టి OTT యాప్‌ల ఫ్రీ యాక్సెస్ లభిస్తుంది.