నేడు కొన్ని రాశుల వారికి అంతా మంచే జరగనుంది. కాకపోతే కొన్ని సమస్యలు ఉంటాయి. ఆ సమస్యలు రాకుండా ఉండాలంటే కొన్ని జాగ్రత్తలు తప్పకుండా తీసుకోవాలి. అవేంటో చూద్దాం.
మేషం
ఈరోజు పరిస్థితులు అటుఇటుగా ఉన్నా, మీ తెలివితో పనులను చక్కబెడతారు. ఆరోగ్యంపై శ్రద్ధ పెట్టండి. శత్రువులతో జాగ్రత్త. ధైర్యంగా నిర్ణయాలు తీసుకుంటే విజయం మీదే. దుర్గాదేవిని స్మరిస్తే మనోధైర్యం పెరుగుతుంది.
వృషభం
చేపట్టిన పనులు అనుకున్నట్లుగా సాఫీగా సాగిపోతాయి. వాతావరణం మీకు అనుకూలిస్తుంది. ఆత్మీయులతో గడపడం ఆనందాన్ని ఇస్తుంది. ఆత్మవిశ్వాసంతో ముందడుగు వేయండి. విష్ణు ఆరాధన మేలు చేస్తుంది.
మిథునం
మీ కష్టానికి తగిన ప్రతిఫలం లభిస్తుంది. పెద్దలు, స్నేహితులు మీ నిర్ణయాలకు మద్దతుగా నిలుస్తారు. కుటుంబంలో సంతోషం నిండుతుంది. శివాష్టోత్తరం చదువుకోవడం శుభప్రదం.
కర్కాటకం
అభివృద్ధి దిశగా సాగే మీ ప్రయత్నాలు ఫలిస్తాయి. కొత్త పనుల్లో విజయం సాధిస్తారు. శ్రమ పెరిగినా ఫలితం తృప్తిని ఇస్తుంది. గొడవలకు దూరంగా ఉండండి. దుర్గాదేవి శ్లోకాలు చదవడం వల్ల శక్తి లభిస్తుంది.
సింహం
పట్టుదల, నిజాయితీతో పనిచేస్తే విజయం మీ సొంతమవుతుంది. అనవసరమైన విషయాల్లో తలదూర్చకండి. అందరినీ కలుపుకుని ముందుకు సాగండి. శివారాధన మీకు రక్షణగా నిలుస్తుంది.
కన్య
ఉద్యోగ, వ్యాపారాల్లో మంచి వార్తలు వింటారు. సమయపాలన పాటించడం వల్ల పనులు సకాలంలో పూర్తవుతాయి. మీ శ్రమకు గుర్తింపు లభిస్తుంది. విష్ణు ఆలయాన్ని సందర్శిస్తే ప్రశాంతత లభిస్తుంది.
తులా
మీ కష్టానికి తగిన ఫలితం దక్కుతుంది. ధైర్యంగా ముందుకు సాగండి, అదృష్టం కలిసివస్తుంది. ఆరోగ్యం కోసం సమయానికి విశ్రాంతి తీసుకోండి. వేంకటేశ్వరస్వామి దర్శనం శుభకరం.
వృశ్చికం
మీ ప్రయత్నాలు సఫలమవుతాయి. ఒక ముఖ్యమైన విషయంపై అధికారులను కలుస్తారు, ఫలితం అనుకూలంగా ఉంటుంది. కొత్త అవకాశాలు వస్తాయి. విష్ణు ఆరాధన శ్రేయస్కరం.
ధనుస్సు
తోటివారి సహాయంతో పనులు సులువుగా పూర్తవుతాయి. ఆర్థిక పరిస్థితి మెరుగుపడుతుంది. శుభవార్తలు మీ ఉత్సాహాన్ని పెంచుతాయి. శ్రీరామ నామస్మరణ విజయానికి దారి చూపుతుంది.
మకరం
బంధుమిత్రుల సహాయంతో కొత్త ప్రణాళికలు వేస్తారు. మీ నిర్ణయాలు మంచి ఫలితాలను ఇస్తాయి. ఉత్సాహంగా పనులు పూర్తి చేస్తారు. హనుమాన్ చాలీసా పఠించడం మంచిది.
కుంభం
భవిష్యత్తు ప్లాన్స్ పై దృష్టి పెడతారు. అధికారులతో మాట్లాడేటప్పుడు కోపం వద్దు. ఖర్చుల విషయంలో జాగ్రత్త అవసరం. తిండి, నిద్ర సమయానికి ఉండేలా చూసుకోండి. చంద్ర ధ్యానం ప్రశాంతతను ఇస్తుంది.
మీనం
స్పష్టమైన ఆలోచనలతో సమస్యలను ఎదుర్కొంటారు. కుటుంబంలో చిన్నపాటి గొడవలు సర్దుమణుగుతాయి. ఆత్మవిశ్వాసం కోల్పోకండి, అదృష్టం మీ వెంటే ఉంది. చంద్ర ఆరాధన శాంతిని ఇస్తుంది.
