BIG BREAKING : తెలంగాణ సీఎం రేవంత్ రెడ్డి కీలక నిర్ణయం తీసుకున్నారు. రాష్ట్రంలో పనిచేసే ప్రభుత్వ, కాంట్రాక్ట్, అవుట్సోర్సింగ్ ఉద్యోగులందరికీ ప్రతి నెల ఒకటో తారీఖునే జీతాలు అందేలా చూడాలని అధికారులను ఆదేశించారు. ఇందుకోసం ఆఫీసుల్లోని పనులన్నింటినీ పూర్తిగా డిజిటలైజ్ చేయాలని చెప్పారు. ఎంసీఆర్ హెచ్ఆర్డీ ఆఫీసులో జరిగిన ఒక ముఖ్యమైన మీటింగ్లో సీఎం ఉద్యోగుల జీతాల సమస్యలపై మాట్లాడారు. ప్రభుత్వ సాయం నేరుగా ప్రజలకు అందాలన్నా, ఉద్యోగులకు సరైన సమయానికి డబ్బులు రావాలన్నా ఆన్లైన్ పాలన ఒక్కటే మార్గమని సీఎం అన్నారు.
ఈ మీటింగ్లో అధికారులు ఒక ముఖ్యమైన విషయాన్ని సీఎం దృష్టికి తెచ్చారు. మన రాష్ట్రంలో ఉద్యోగులను సరఫరా చేసే కంపెనీలు దాదాపు 4,800 ఉంటే, అందులో 4,300 కంపెనీలు ఉద్యోగులకు ESI, PF డబ్బులు కట్టడం లేదని చెప్పారు. ప్రభుత్వం ఆ కంపెనీలకు సకాలంలోనే డబ్బులు ఇస్తున్నా, వారు మాత్రం ఉద్యోగులకు సరైన టైమ్కి జీతాలు ఇవ్వకుండా ఇబ్బంది పెడుతున్నారని వివరించారు. ఈ మాట వినగానే సీఎం రేవంత్ రెడ్డి తీవ్ర ఆగ్రహం వ్యక్తం చేశారు. ప్రభుత్వ సొమ్ము తీసుకుంటూ ఉద్యోగులను ఇబ్బంది పెట్టే కంపెనీలపై కఠిన చర్యలు తీసుకోవాలని అధికారులను ఆదేశించారు.
ఇకపై కాంట్రాక్ట్, అవుట్సోర్సింగ్ ఉద్యోగుల పేర్లు, వారి బ్యాంక్ అకౌంట్ వివరాలన్నీ కంప్యూటర్లో ఆన్లైన్ చేయాలని సీఎం చెప్పారు. అలా చేస్తే ప్రతి నెల 1వ తేదీ నుండి 5వ తేదీ లోపు నేరుగా ఉద్యోగుల బ్యాంక్ ఖాతాల్లోనే జీతాలు పడిపోతాయని, మధ్యలో కంపెనీలు మోసం చేయడానికి వీలుండదని అన్నారు. అలాగే ప్రభుత్వ ఉద్యోగులకు హెల్త్ కార్డులు సరిగ్గా అందేలా వారి వివరాలను కూడా ఆన్లైన్ చేయాలన్నారు. ఈ కొత్త పద్ధతిని ఎలా తీసుకురావాలో ప్లాన్ చేయడానికి ఒక పెద్దల కమిటీని వేయాలని, ఆ కమిటీ 100 రోజుల్లోగా రిపోర్ట్ ఇవ్వాలని సీఎం గడువు పెట్టారు.
ఈ కొత్త ఆన్లైన్ విధానాన్ని ఎప్పటికప్పుడు కనిపెట్టుకుని ఉండేలా ఆర్థిక శాఖ కింద ఒక ప్రత్యేక టీమ్ను పెట్టాలని సీఎం చెప్పారు. అవసరమైతే దీనికోసం కొత్త చట్టాలు కూడా చేయాలన్నారు. ఈ మీటింగ్లో ఎంపీ వేం నరేందర్ రెడ్డి, ప్రభుత్వ సలహాదారు కె. రామకృష్ణారావు, ప్రభుత్వ ప్రధాన కార్యదర్శి సంజయ్ జాజు, జయేష్ రంజన్, శాంతి కుమారితో పాటు ఇతర పెద్ద అధికారులు పాల్గొన్నారు. ఈ నిర్ణయంతో ఎంతో కాలంగా ఇబ్బంది పడుతున్న వేలాది మంది అవుట్సోర్సింగ్ ఉద్యోగులకు పెద్ద ఊరట లభించనుంది.
