Strait Of Hormuz Close : అమెరికా-ఇరాన్‌ శాంతి ఒప్పందం మున్నాళ్ల ముచ్చటగానే మిగిలిపోయింది. పశ్చిమాసియాలో శాంతిని పునరుద్ధరించేందుకు ఇరు దేశాల మధ్య ఈనెల 18న కుదిరిన శాంతి ఒప్పందం వారం రోజులు కూడా గడవక ముందే కుప్పకూలింది. ఒప్పందంలోని నిబంధనలను అమెరికా, ఇజ్రాయెల్ కూటమి ఘోరంగా ఉల్లంఘించిందంటూ ఇరాన్ సంచలన నిర్ణయం తీసుకుంది. అంతర్జాతీయ చమురు రవాణాకు అత్యంత కీలకమైన, ప్రపంచ ఆర్థిక వ్యవస్థకు ఊపిరిలాంటి ‘హోర్ముజ్ జలసంధి’ని (Strait of Hormuz) మళ్లీ మూసివేస్తున్నట్లు ఇరాన్ శనివారం ప్రకటించింది. ఈ పరిణామంతో పర్షియన్ గల్ఫ్ ప్రాంతంలో మరోసారి యుద్ధ మేఘాలు కమ్ముకున్నాయి.